Ալավերդու մեր աղբյուրը հայտնում է, որ Ալավերդում քրեական երկու հեղինակություններ կան՝ Տարոն Աբգարյանը եւ մյուսը նրա հեռավոր բարեկամ Վահագն Աբգարյանը։Նոր չեն նրանք դուրս եկել միմյանց դեմ՝ սա հին պատմություն է։ 2015թ-ի սեպտեմբերի Ալավերդու քաղաքապետի ընտրություններին էլ Տարոնն ու Վահագնը «իրար դեմ էին աշխատում»։ Նրանց մասին ալավերդցիները մի տեսակ վախով ու զգուշությամբ են խոսում։
Վահագն Աբգարյանը Ալավերդի քաղաքում շրջում է զրահապատ մեքենայով ու մի խումբ թիկնապահներով։ Ասել է թե՝ հիմք ունի զգուշանալու։
Հիշեցրին նաև, որ մի երկու տարի առաջ Վարդան Փիրուզյանը, ով Տարոն Աբգարյանի տղաներից է, սպանել է Վահագն Աբգարյանի մերձավորներին՝ Կոտայքի մարզի Առինջ գյուղի բնակիչ Էդվարդ Պողոսյանին ու ալավերդցի Վարդան Ավագյանին։ Սպանողի նկատմամբ հետախուզում է հայտարարվել ու մինչև այսօր չի հայտնաբերվել։
Հիշեցնենք, որ այսօր Վերնիսաժի մոտ հնչած կրակոցների հետեւանքով, նախնական տվյալներով, սպանվել է մեկ անձ, ևս մեկը՝ վիրավորվել, որոնց ինքնությունը պարզվել է։ Ստացած հրազենային վնասվածքներից մահացել է 1974 թվականի ծնված Գ.Մոսինյանը, վնասվածքներով բժշկական կենտրոն տեղափոխվել Վահագն Աբգարյանը։
