Sunset Mesa հուղարկավորության տան սեփականատեր Մեգան Հեսը հայտնվել է Հետաքննությունների դաշնային բյուրոյի տեսադաշտում այն բանից հետո, երբ ընտանիքներից մեկը որոշել է դիակիզարանից ստացված մոխրի փորձաքննություն անցկացնել։ Այս մասին հայտնում է Reuters գործակալությունը։ Պարզվել է, որ աճյունափոշու փոխարեն հանգուցյալի հարազատներին է տրվել չոր ցեմենտ։
Ստուգման ժամանակ պարզվել է, որ Մեգան Հեսը մարմնամասերի առևտրով է զբաղվել։
Նրա մշտական հաճախորդներից մեկն է հանդիսացել Արիզոնա նահանգի Ուսումնա-բժշկական լաբորատորիան։ Օրինակ՝ ոտքերով հանդերձ կոնքային հատվածի վաճառքից ստացվել է 1200 դոլար։ Նրա ամսական եկամուտը կազմել է մոտ 40 հազար դոլար։
Տիկնոջ բիզնեսը դադարեցվել է։ Հայտնի չէ, թե նրան ինչ պատիժ է սպասվում։
Աղբյուր՝ shabat.am
