Փետրվարի 22-ին Արցախում  հակառակորդի կողմից արձակված կրակոցից զոհված Ախուրյանի բնակիչ Գրիգոր Եղոյանի հարազատները ցանկացել են տղային հուղարկավորել եկեղեցական կարգով, սակայն, նրանց բացատրել են, որ չեն կարող եկեղեցում դնել նրա դին, քանի որ տղան մկրտված չէ, ինչը հարազատների ու գյուղացիների վրդովմունքի պատճառ է դարձել: 
 
Շիրակի թեմի առաջնորդ Միքայել եպիսկոպոս Աջապահյանը վրդովված է, թե ինչպես կարող են իր 19 տարվա անբասիր ծառայությունը հավասարեցնել զրոյի՝ հայտարարելով, թե ինքը արգելել է չմկրտված զինծառայող Գրիգոր Եղոյանին եկեղեցական կարգով հուղարկավորել, երբ ինքն ընդամենը առաջարկել է հուղարկավորել քաղաքացիական ծեսով և բացատրել, թե ինչու է անթույլատրելի եկեղեցական կարգով հուղարկավորելը: 
 
Ես ինքս եմ բոլոր զինվորներին եկեղեցով հուղարկավորելու հիմքը դրել, Ապրիլյան պատերազմի  բոլոր զինվորներին ես եմ պնդել և պարտադրել, որ եկեղեցում դրվեն»,- ասաց նա և նշեց, թե նույնիսկ այս զինվորի դեպքում, երբ իր բացատրությունից հետո էլ այդուհանդերձ որոշել են եկեղեցական կարգով թաղել, ինքն է ընդառաջ գնացել է զուտ կրքերը հանդարտեցնելու համար։
 
Ի՞նչ է ստացվում․ քահանաները կարող են գումարով թաղման ծես կատարել չմկրտված տարիքով մարդկանց, ովքեր ապրել են խորհրդային տարիներին և կնքված չեն եղել, բայց չե՛ն կարող հայրենիքը պաշտպանող զոհված զինծառայողին՝ միայն կրքերը հանդարտեցնելու համար։