Օրենբուրգի մարզում ձերբակալել են երեք անձի, ովքեր կասկածվում են գործարարի ու նրա մանկահասակ որդու սպանության մեջ՝ բազմաթիվ վնասվածքներով նրանց մարմինները հայտնաբերվել էին մեքենայի մեջ: Ըստ gazeta.ru-ի, այս մասին հաղորդվում է Ռուսաստանի ՔԿ կայքում:Նշվում է, որ այս տարվա հունվարի 17-ին Օրենբուրգի Կարագանդինսկի փողոցի բնակելի տների բակում Toyota մեքենայի սրահում հայտնաբերվել էին 35-ամյա ձեռնարկատիրոջ և նրա 7-ամյա որդու մարմինները՝ դանակի բազմաթիվ վնասվածքներով:
«Գրագետ ծրագրված քննչական գործողությունների ու օպերատիվ-հետախուզական միջոցառումների արդյունքում հաջողվել է պարզել ու ձերբակալել դաժան սպանությունը կատարելու մեջ երեք կասկածվողներին: Նրանք Օրենբուրգի մարզի Աբդուլինսկի շրջանի 1978, 1975 և 1972թթ. ծնված բնակիչներ են»,- ասվում է գերատեսչության հայտարարության մեջ:
Ներկայումս քննիչները շարունակում են պարզել տեղի ունեցածի բոլոր հանգամանքները:
