shamshyan.com-ի տեղեկություններով, մարտի 22-ին ՀՀ Արդարադատության նախարարության «Վանաձոր» քրեակատարողական հիմնարկի ծառայողները ապօրինի թմրամիջոց ձեռք բերելու և պահելու կասկածանքով նշված հիմնարկում խուզարկության են ենթարկել հավաքարար, 60-ամյա Անուշ Ս.-ին:
 
Վերջինս հայտարարել է, որ Վանաձորի բանտում իր պատիժը կրող, 48-ամյա Ռոբերտ Մ.-ի հետ, նախնական պայմանավորվածության է եկել և վերջինիս փոխանցելու նպատակով իր հետ բանտ է բերել ծխախոտի 1 տուփ՝ մեջը տեղավորած թվով 6 հատ փաթեթավորված թմրանյութ, ինչպես նաև՝ 7000 դրամ:
 
Հավաքարարը խոստովանել է, որ այն պահել է քրեակատարողական հիմնարկի լվացքատանը գտնվող աղբարկղում:
 
Բանտի աշխատակիցները նշված տեղից հայտնաբերել են ծխախոտի տուփը և 6 հատ փաթեթներում փաթեթավորված՝ թմրանյութի նմանվող կանաչավուն զանգված, ինչպես նաև հավաքարարի հայտնած 7000 դրամը:
 
Առավել մանրամասն՝ սկզբնաղբյուրում