Վենեսուելայի գլխավոր դատախազը տեղեկացրել է, որ Կարաբոբո նահանգի բանտերից մեկում տեղի ունեցած հրդեհի հետևանքով զոհվել է 68 մարդ: gazeta.ru-ի, հաղորդմամբ պաշտոնյան այս մասին հայտնել է իր թվիթերյան էջում: Դատախազը մանրամասնել է, որ ողբերգության պատճառները պարզելու համար նշանակվել է 4 դատախազ: Ինչպես հայտնում է Noticias Caracol-ը, հրդեհից առաջ բանտի տարածքից կրակոցներ են լսվել: Բանտարկյալներից մեկը մորն ասել է, որ ներսում գտնվողներին պատրաստվում են սպանել՝ նրանց բանտախցերի մոտ թափված բենզինը հրկիզելու միջոցով:
