Նախորդ կիրակի հրո ճարակ դարձած ՌԴ Կեմերովո քաղաքի «Зимняя вишня» առեւտրի կենտրոնի տնօրեն Նադեժդա Սուդդենոկը, ում հանդեպ ավելի վաղ տեղի Զավոդսկի շրջանային դատարանը երկամսյա կալանքի որոշում էր կայացրել, բողոքարկել է դատարանի վճիռը:Այս մասին հայտնում է «РИА Новости» լրատվական գործակալությունը: Նշենք, որ հրդեհից հետո հարուցված քրեական գործի շրջանակներում իրականացված միջոցառումներից պարզ էր դարձել, որ առեւտրի կենտրոնում չեն գործել հակահրդեհային ազդանշանային համակարգը, իսկ առեւտրի կենտրոնի անվտանգության համակարգն էլ գործելէ խափանումներով: Գործի շրջանակներում արդեն կան մի քանի պաշտոնատար կալանավորվածներ:
