Ամերիկայի Միացյալ Նահանգների նախագահ Դոնալդ Թրամփը հայտարարել է, որ ինքը չի իմացել այն մասին, որ 2016 թվականի նախագահական ընտրություններից առաջ իր փաստաբան Մայքլ Կոհենը պոռնոաստղ Ստեֆանի Քլիֆորդին 130 հազար դոլար է վճարել՝ լռության դիմաց: 
 
Այս հայտարարությունն առաջինն էր նախագահի և պոռնոաստղի հարաբերությունների մասին պտտվող լուրերի ֆոնին: Լրագրողի այն հարցին, որ եթե նախագահը չի իմացել, որ իր փաստաբանը մեծ գումար է վճարել պոռնոաստղին, այդ դեպքում ինչո՞ւ է նրա փաստաբան Մայքլ Կոհենն այդ գումարը վճարել:
 
Թրամփը պատասխանել է, որ այդ հարցը պետք է Մայքլին տալ: Ինքը՝ պոռնոաստղը, պնդում էր, որ իրեն վճարել են, որպեսզի նա չբարձրաձայնի իր և նախագահ Թրամփի ինտիմ կապի մասին: Նրա խոսքով՝ ինքն ու Թրամփը կապ են ունեցել 2006 թվականին, երբ Թրամփի կինը՝ Մելանյան, նոր էր ծննդաբերել և իրենց հարաբերությունները տևել են մի քանի ամիս:
 
Պոռնոաստղը հավաստիացնում է, որ 2016 թվականի հոկտեմբեր ամսին համաձայնագիր է ստորագրել, որ չի հայտնի իր ու Թրամփի հարաբերությունների մասին և դրա դիմաց 130 հազար դոլար գումար է ստացել: Իսկ ավելի վաղ Թրամփի փաստաբանը հաստատել էր, որ ինքն այդքան գումար է վճարել պոռնոաստղին: