Facebook-ի հիմնադիր Մարկ Ցուկենբերգը այսօր ելույթ է ունեցել ԱՄՆ Կոնգրեսում եւ խոստովանել, որ ընկերությունը թույլ է տվել տվյալների մասշտաբային արտահոսք, քանի որ չափազանց քիչ բան է արել օգտատերերի պաշտպանության համար։ Ցուկենբերգը բոլորից ներողություն է խնդրել։
«Մենք մեզ հաշիվ չէինք տալիս, որ ամբողջ պատասխանատվությունը մեզ վրա է։ Սա իմ մեծ սխալն է, եւ ես շատ եմ ցավում դրա համար»,- ասել է նա։
Ցուկենբերգը ասել է, որ ներկայումս բանակցություններ են տարվում՝ սոցկայքում անվտանգության նորմերը բարձրացնելու համար։
