«Փաստ» օրաթերթը գրում է. «Փաստի» թղթակցի հետ զրույցում ոստիկանության ծանոթ պաշտոնյան հայտարարել է, որ «մինչև առավոտ դեռ կարող է համբերենք, նայած՝ ինչ իրավիճակ կլինի մինչ այդ: Իսկ վաղ առավոտյան, ժամը 5–6–ը սաղին սրբելու ենք փողոցներից: Իհարկե, օրենքի սահմաններում ենք գործելու»:
 
Մեր հարցին, թե այսօր՝ ամսի 16–ին, ոստիկանությունը բավականին նորմալ էր պահել իրեն, սակայն երեկոյան ակտիվացավ, ինչո՞վ է դա պայմանավորված, ոստիկանը պատասխանել է. «Դե, այսօր ու նախորդող երկու օրերին ի՞նչ կար, որ ակտիվանայինք, Ազգային ժողովի նիստն սկսվում է վաղը: Այ, վաղը շատ խիստ ենք լինելու, իսկ էս օրերին չմիջամտեցինք, որ մարդիկ, այսպես ասած, «պարպվեն», հանգստանան»: Շարունակությունը՝ «Փաստ» օրաթերթի այսօրվա համարում: