Ձերբակալված ԱԺ պատգամավորներ Արարատ Միրզոյանը և Սասուն Միքայելյանը քիչ առաջ պաշտպան Նիկոլայ Բաղդասարյանի ֆեյսբուքյան էջով ուղիղ եթերում էին:
 
Պաշտպանը մի քանի ժամ չէր կարողանում տեսակցել նրանց: Միայն խուզարկություն կատարելու համար ներս էին թողել:
 
Ավագ հետաքննիչը հայտարարել էր, որ ցանկանում է կատարել պատգամավորների խուզարկություն: Մինչդեռ պաշտպանը խուզարկություն կատարելու համար պահանջում էր իրավական հիմքերը. «Տվյալ անձինք հանդիսանում են ԱԺ պատգամավորներ եւ կատարվող ներգործության միջոցները պետք է նախատեսված լինեն ՀՀ Սահմանադրությամբ եւ համապատասխան իրավական ակտերով»,- ասում էր պաշտպանը:
 
Արարատ Միրզոյանը մինչ այդ հրաժարվել է պատասխանել հարցերին և ցանկացել է ունենալ փաստաբան:
 
Այս պահին ԱԺ պատգամավորները խուզարկվում են և թույլ չի տրվել տեսանկարահանել գործընթացը: