2013թ. Եվրոպայի հետ պայմանագրերի ստորագրումը տապալվեց՝ Սերժ Սարգսյանի կողմից վարվող սխալ քաղաքականության արդյունքում, որովհետև նա ժամանակին չարեց անհրաժեշտ կոնսուլտացիաներ Ռուսաստանի հետ:«Ազատություն» ռադիոկայանի եթերում այսպիսի հայտարարություն է արել «Հայ ազգային կոնգրես» կուսակցության փոխնախագահ Լևոն Զուրաբյանը՝ անդրադառնալով ՀՀ-ԵՄ համաձայնագրի ստորագրմանը:
«2013թ. բավականին լուրջ անդրադարձ ունեցով Լևոն Տեր-Պետրոսյանն այդ առումով և բացատրեց, օրինակներ բերեց, թե ինչպես է ինքը նման հարցեր լուծել Արևմուտքի, Ֆրանսիայի, Միացյալ Նահանգների կամ Եվրոպական միության հետ։ Շատ կարևոր էր, որ դա չառաջացներ Ռուսաստանի կողմից խանգարելու որևէ ցանկություն: Ինչպես քաղաքականության մեջ ընդունված է՝ դաշնակիցների հետ նաև խորհրդակցում ես, կոնսուլտացիա ես անում, անգամ եթե դա վերաբերում է այլ երկրների, այլ կազմակերպությունների հետ հարաբերությունների զարգացմանը»,-հայտնեց Լևոն Զուրաբյանը:
