Բյուրականում հրշեջ մեքենա է շրջվել. հետմարման աշխատանքներն ավարտվում ենՍեպտեմբերի 9-ի ժամը 17.30-ի դրությամբ Բյուրականի մերձակա բուսածածկ տարածքում ծխացող օջախների հետմարման աշխատանքները մոտենում են ավարտին, հաղորդում է ԱԻՆ պաշտոնական կայքը:
 
Միևնույն ժամանակ նշվում է, որ ծառայողական առաջադրանքը կատարելիս լեռան լանջին կողաշրջվել է «Mercedes Benz Unimog» մակնիշի հրշեջ-փրկարարական ավտոմեքենան: Տուժել է 2 փրկարար, որոնք ՀՀ ԱԻՆ աղետների բժշկության կենտրոնի շտապօգնության մեքենայով տեղափոխվել են նախարարության նույն կենտրոն: Այնտեղ բուժզննումից հետո նրանցից մեկին դուրս են գրել, իսկ մյուսի մոտ (Երևանի Ավան վարչական համայնքի թիվ 11 հրշեջ-փրկարարական ջոկատի փրկարար ծառայող Ավետիք Պողոսյան) հայտնաբերվել է թեթև վնասվածք (ձախ արմնկային հոդի կապանային ձգվածություն): Նա կստանա ամբուլատոր բուժում: