z1news
 
Մամուլը մեծ ջանասիրությամբ Պաշտպանության նախարար Դավիթ Տոնոյանի Կենտրոնական հավաքակայանում լրագրողներին հայտնած կարծիքն է լուսաբանում։ Այն, որ պետք չէր լրագրողների կողմից այսքան մեծ ուշադրություն հատկացվեր ՀՀ վարչապետ Նիկոլ Փաշինյանի որդու բանակ զորակոչվելուն։
 
«Հազարավոր տղաներ են մեկնում ծառայության, ինչի՞ համար է այսպիսի ուշադրությունը մեկ անձի նկատմամբ։ Վարչապետ Նիկոլ Փաշինյանի որդուն ճանապարհելը շատ գովելի է, սակայն այսքան ուշադրությունը ճիշտ չէ»։
 
Պետք չէ խորանալ՝ հասկանալու, որ նախարարը լրագրողների մոտեցումն է սխալ համարում ։ Լրագրողները չպետք է այդքան մեծ ուշադրություն դարձնեին վարչապետի որդու Բանակ գնալուն։
 
Ինչպես միշտ, մեղավորը լրագրողներն են։
 
Բայց նախարարը մի այլ տեղ «իրեն բռնել տվեց»։
 
Տոնոյանը հայտնեց, որ իր որդին էլ է մի քանի օր անց մեկնելու ծառայության, բայց թույլ չի տա այդպիսի ուշադրություն․
 
«Հավատացեք, թույլ չեմ տա»։
 
Չեմ հասկանում՝ եթե կա պաշտոնյայի թույլ չտալը, այդ դեպքում ո՞րն է լրագրողի մեղքը։
 
ՀԳ Ասում էիք, որ անցյալում պաշտոնյանինչ-ինչ հանգամանքներից ելնելով, ճիշտը չէր բարձրաձայնում, ինչ որ բա՞ն է փոխվել․․․
 
 
Հասմիկ Բաբաջանյան