Շոու բիզնեսը մրցակցություն է պահանջում, ծանր մրցակցություն։
 
Դա է պատճառը, որ նրա ներկայացուցիչներից շատերն առանց փիառի նման են ջրից ափ նետված ձկան՝ շնչահեղձ են լինում։ Հանրությունը պիտի խոսի նրանց մասին, պիտի հիշի։ Լավ, թե վատ, կարևոր չի․ կարևորը, որ իրենք լինեն հանրության խոսակցության թեման։ Վերջերս դերասանուհիներից մեկին հարցրի՝ չե՞ս անհանգստանում, որ քեզ «սևացնում են», ծիծաղեց՝ դա ինձ ճանաչելու ամենակարճ ձևն է։
 
Անժելա Սարգսյանն իր ուղին հարթեց փիառով, չասեմ՝ սև։ Հավատացած եմ, որ նա մի սովորական կին է, ինչպես բոլորը, հոգատար մայր, նա էլ ձգտում է անկեղծ սիրո, հավատարմության, նվիրվածության ու երբ ինքն իր հետ է լինում, միայնակ է զգում իրեն։
 
Սեքս խորհրդանիշը պարզապես փիառվելու յուրօրինակ ձև է, դա կարիերիան անիվների վրա դնելու ու առաջ տանելու տարբերակ է։ Հենց դա է պատճառը, որ իր 35-ամյակին ֆեյսբուքյան իր էջում դերասանուհին փորիկով նկար է գցել։ Նա կամեցել է կրկին ընկղմվել հղի լինելու փիառի ալիքների մեջ, հիշեցնել իր մասին, կրկին զգալ, թե ինչքանով է հանրությունը հետաքրքրվում իրենով։ Գուցե դա նաև մայրական ենթագիտակցության ցանկությունն է՝ կրկին մայրանալ, երջանիկ լինել․․․ Առջևում Նոր տարի է։
 
ՀԳ Շատերի հետ եմ զրուցել, որոնց մասին սեքս լեգենդներ են պատմում․․․ Երբ վստահում են քեզ ու հանում դիմակը, այնքա՜ն անպաշտպան ու խոցելի՜ են․․․
 
Անժելայի բառերն էլ հուշում են, որ ինքը բոլորի նման մարդկային ջերմության կարիք ունի։ Իսկ ո՞ր մեկը չունի․․․
 
Angela Sargsyan
 
16 December at 22:55
 
Իմ լավ ու բարի ընկերներ, բարեկամներ, շնորհակալ եմ բոլոր շնորհավորանքների ու բարեմաղթանքների համար, դուք իմ օրը տոն դարձրիք, իսկ սիրտս լցրիք ջերմությամբ։
 
Հասմիկ Բաբաջանյան