ԱԺ «Ծառուկյան» խմբակցության պատգամավոր Նաիրա Զոհրաբյանը հոսպիտալացվել է. նա տեղափոխվել է «Նաիրի» բժշկական կենտրոն:
 
 
Հիվանդանոցից NEWS.am-ին հայտնեցին, որ Նաիրա Զոհրաբյանը հավանաբար թունավորվել է աղբավայր այցելության հետեւանքով:
 
 
Նշենք, որ այսօր Նաիրա Զոհրաբյանը եղել է Ազգային ժողովում, որտեղ մասնակցել է Ընտրական օրենսգրքի փոփոխությունների հարցով աշխատանքային խմբի նիստին: Այնուհետեւ եղել դատարանում՝ «Սասնա Ծռերի» դատին: Ավելի ուշ նրա ինքնազգացողությունը վատացել է:
 
 
Հիվանդանոցից տեղեկացրին, որ այս պահին նա կաթիլային բուժում է ստանում, ընդհանուր վիճակը հանգիստ է: