Շարունակեք գաղտնալսել, պարոնա′յք. մատը տարան բզեզի բուն. Լյովա Խաչատրյան
 
«Ժողովուրդ» օրաթերթը գրում է․
 
Երեկ մեր երկրում ծավալված իրադարձությունների շուրջ ArmLur.am-ը զրուցել է ԱԺ նախկին պատգամավոր Լյովա Խաչատրյանի հետ:
  
 
– Պարո′ն Խաչատրյան, լսեցի՞ք ԱԱԾ տնօրենի եւ ՀՔԾ պետի գաղտնալսումը, ի՞նչ տպավորություն ունե՞ք:
   
 
– Լսեցի ու չհասկացա դրա հանրայնացնելու իմաստը: Որ գաղտնալսել հնարավոր է բոլորիս, այդ թվում եւ Գերմանիայի կանցլեր Անգելա Մերկելին, բոլորիս է հայտնի, որ առանձնազրույցներում կարող ենք բամբասել կամ քննարկել տարբեր հարցեր` օգտագործելով տարբեր արտահայտություններ եւ բառեր, նորմալ է: Ոչ մեկիս խորթ չի, որ կարող են լինել մասնագիտական քննարկումներ մեր ընդունած ոչ միանշանակ մեկնաբանվող օրենքների շրջանակում. ձիուն էլ է հասկանալի: Բայց մի քանի հարցերի պատասխան այնուամենայնիվ կցանկանայի ստանալ:
– Ո՞ր հարցերի:
 
– ա) գաղտնալսվել է երկրի ներսում. նշանակում է կա պետություն պետության մեջ:
 
բ) գաղտնալսվել է դրսից եւ օգտագործվում է ներսում, նշանակում է կան Հայաստանում шпион-ներ, եթե օտարերկրացի են, կամ դավաճաններ, եթե հայ են եւ կապված են օտարերկրյա հատուկ ծառայությունների հետ:
 
– Ի՞նչ տվեց Ձեզ գաղտնալսումը:
 
– Գաղտնալսվածի հրապարակումը եւ հետագա զարգացումները ինձ`
 
ա) մեկ ավելորդ անգամ համոզվեցի, որ Հայաստանում «царь настоящи»
բ) ԱԱԾ, ՀՔԾ եւ ոստիկանապետի ընտրությունը վարչապետի կողմից ճիշտ է կատարված: Իմաստ ունե՞ր մատ տանել բզեզի բուն: