Չորս մեքենայի մասնակցությամբ վթար՝ Կորյուն փողոցում
 
Սեպտեմբերի 20-ին՝ ժամը 00:09-ին, «911» ծառայությանն ահազանգ է ստացվել, որ Երևան քաղաքի Կորյուն փողոցում`«Ցիտադել» բիզնես-կենտրոնի մոտակայքում, տեղի է ունեցել ՃՏՊ, կան տուժածներ:
 
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Աղետների բժշկության կենտրոնի հերթապահ բժիշկը:
 
Պարզվել է, որ բախվել են «Kia Rio» (վարորդը՝ Տ. Մ., 1994 թ.), «BMW 318 I» (վարորդը` Մ. Ծ., 1989 թ.), «Lada 08» (վարորդը՝ Հ. Ս., 1990 թ.) և «Mercedes C 180» (վարորդը՝ Հ. Հ., 1992 թ.) մակնիշիների ավտոմեքենաները:
 
Ժամը 00:22-ին «Mercedes C 180» մակնիշի ավտոմեքենայի ուղևոր Կ. Ղ.-ն (1987 թ.) հոսպիտալացվել է «Սուրբ Գրիգոր Լուսավորիչ» ԲԿ, որտեղ, ստանալով համապատասխան բուժօգնություն, դուրս է գրվել:
 
Փրկարարները սահմանազատել են տարածքը, փակել «Lada 08» և «Mercedes C 180» մակնիշների ավտոմեքենաների գազի բալոնների փականները: