Երևանում այսօր ավարտվել են Ֆրանկոֆոնիայի միջազգային կազմակերպության 17-րդ գագաթնաժողովի աշխատանքները: Գագաթնաժողովի փակման արդյունքներով ընդունվել է Երևանյան հռչակագիրը: 
 
Նիկոլ Փաշինյանը ներկայացրել է Ֆրանկոֆոնիայի միջազգային կազմակերպության գլխավոր քարտուղարի ընտրության արդյունքները, որոնց համաձայն այդ պաշտոնում ընտրվել է Ռուանդայի արտաքին գործերի նախարար տիկին Լուիզ Մյուշիկիվաբոն:
Փաշինյանը բարձր է գնահատել գլխավոր քարտուղարի պաշտոնում Միկաել Ժանի կատարած գործունեությունը և շնորհավորել Լուիզ Մյուշիկիվաբոյին նոր պաշտոնում ընտրվելու կապակցությամբ:
ՀՀ վարչապետը նրան մաղթել է հաջողություններ ստանձնած առաքելության մեջ և վստահություն հայտնել, որ նա իր գործունեությամբ կնպաստի կազմակերպության հետագա զարգացմանը:
Այս օրերին Հայաստանում էին նաև Ֆրանսիայի նախագահ Էմանուել Մակրոնն ու իր կինը՝ Բրիջիտ Մակրոնը։
Ֆրանսիայի առաջին տիկնը մեծ տպավորություններ է ստացել Հայաստան կատարած այցից և մասնավորապես ՀՀ առաջին տիկին Աննա Հակոբյանի հետ շփումից․․․
Ասվում է, որ Բրիջիտն անգամ՝ մի կողմ թողնելով շփումների պաշտոնական և ձևական կողմը, անկեղծ զրույց է ունեցել Փաշինյանի կնոջ հետ․․․
Մակրոնի կինն ասել է, որ Աննան իր խոհեմության, հայրենասիրության շնորհիվ մեծ ներդրում է ունեց իր ամուսնու կողմից գլխավորած համաժողովրդական շարժման մեջ, և առանց Աննայի, գուցե, ինչ-որ թերի բան լիներ