Գիտնականները կյանքի հետքեր են հայտնաբերել Անտարկտիդայի սառույցների տակ
Ավստրալիայի ազգային համալսարանի գիտնականներն Անտարկտիդայի հրաբխային քարանձավներում ԴՆԹ-ի հետքեր են հայտնաբերել, որոնք կարող են պատկանել գիտությանն անհայտ կենդանիներին:
 
Ինչպես հաղորդում է РИА Новости-ն՝ վկայակոչելով հետազոտության արդյունքները, դա կարող է նշանակել, որ Անտարկտիդայի սառույցների ներքո կյանքը եռում է:
 
Գիտնականների խումբն ուսումնասիրություններ է կատարել Անտարկտիդայի Ռոսսի կղզում, որը մոլորակի ամենահարավային կղզիներից մեկն է և որտեղ գտնվում Էրեբուս գործող հրաբուխը: Այնտեղ նրանք հետազոտել են հսկայական և միմյանց հետ կապված ստորջրյա քարանձավային համակարգերը, որոնք ձևավորվել են հրաբխային գոլորշու ազդեցության տակ:
 
Փորձանմուշներ վերցնելով տարբեր քարանձավներից՝ գիտնականները մամուռի, ջրմուռների, կլոր որդերի և այլ կենդանի օրգանիզմների հետքեր են հայտնաբերել. ի դեպ նրանցից որոշները կարող են կենդանիների և բույսերի նոր տեսակներ լինել: