Բազմիցս ասել եմ՝ կգա ժամանակ, եւ  բոլոր հարցերին կպատասխանեմ։  Այս մասին այսօր՝ ապրիլի 22-ին, ՀՀԿ–ի գրասենյակում կուսակցության նոր անդամների հետ զրուցելիս այսպես արձագանքեց ՀՀ երրորդ նախագահ Սերժ Սարգսյանը՝ պատասխանելով հարցին, թե մեկ տարվա ընթացքում ինչ փոփոխություններ է նկատում Հայաստանում։
 
«Ես բազմաթիվ լրատվամիջոցների՝ անկախ նրանից՝ նրանց համարում եմ լրատվամիջոցներ, թե քարոզչական գործիքներ, պատասխանել եմ, որ երբ ժամանակ կգա, ես բոլոր հարցերին կպատասխանեմ։ Հնարավոր է՝ հարցերի քչություն լինի, բայց պատասխանների քչություն չի լինել»,– ասաց նա։
 
Վերջում կուսակցությանն անդամագրված երիտասարդները լուսանկարվեցին Սերժ Սարգսյանի հետ, իսկ նրանցից մեկն էլ առաջարկեց հետևել նոր մոդային և սելֆի անել, ինչին ի պատասխան՝ Սերժ Սարգսյանը կատակեց. «Ես մի քիչ մոդայից հետ եմ ընկել»։