Մայիսի 4-ին կայացավ Արթուր Բաղդասարյանի քսանչորսամյա դստեր՝ Էլինա Բաղդասարյանի հարսանեկան արարողությունը: Վերջինս պսակադրվել է եղբոր կնոջ՝ դիզայներ Մարի Ստեփանյանի եղբոր հետ: Հարսի զգեստի հեղինակը հենց Մարի Ստեփանյանն է: 

Զույգի կնքահայրը երգիչ Արման Հովհաննիսյանն է, ով իր Ինստագրամի էջում գրել է. «Oրերն ու տարիները ամենաթանկն են իմ կյանքում... Անցան տարիներ, ու հիմա ես դարձա մեր քավորի որդու քավորը։ Աստված օրհնի պսակդ, Ալբերտս։ Շնորհավոր, հարազատներ ջան»: 

Հարսանեկան խնջույքը վարում էր Ավետ Բարսեղյանը, իսկ արտիստներից հրավիրված էին Սոնա Ռուբենյանը, Սուպեր Սաքոն, Արամ mp3-ը, Գարիկ Պապոյանը, Սպիտակցի Հայկոն: Ի դեպ, հարսանեկան ծաղկեփունջը բռնել է Սոնա Ռուբենյանը: